Contoh Pidato Singkat Bahasa Jawa Perpisahan Sekolah

Contoh Pidato Singkat Bahasa Jawa Perpisahan Sekolah - Dalam perpisahan sekolah pasti ada pidato-pidato perwakilan yang harus disampaikan, baik dari guru maupun siswa yang ditunjuk sebagai perwakilan untuk berpidato.

Maka dari itu pada kesempatan ini kami akan menuliskan pidato bahasa jawa yang berhubungan dengan perpisahan sekolah, pidato perpisahan ini kami tuliskan untuk sahabat yang sedang mencari pidato perpisahan sekolah yang akan dibawakan pada saat acara perpisahan sekolah. Yuk langsung saja kita baca di bawah ini.

Contoh Pidato Singkat Bahasa Jawa Perpisahan Sekolah:
___________________________________

Assalamualaikum Wr. Wb.
Nuwun Bapak/Ibu Kepala Sekolah ingkang kinurmatan, tamu undhangan, Bapak/Ibu Guru saha karyawan ingkang kula hormati, adhik-adhik kelas tuwin rencang-rencang ingkang kula tresnani.

Puji syukur konjuk wonten ing ngarsanipun Gusti Allah ingkang Maha Asih, awit ing wekdal menika kita sedaya taksih pinaringan rahmat saengga ing wekdal menika kita saged makempal kanthi pinaringan karaharjan.

Kula minangka wakil saking siswa kelas IX, ngaturaken agunging panuwun ingkang tanpa upami dhumateng Bapak Ibu Guru, awit saking sih katresnan anggenipun nggulawentah dhumateng kula sekanca, saengga saged ngrampungaken kewajiban anggen kula sakanca ngangsu kawruh wonten ing pawitan menika.

Kula sakanca naming saged memuji, mugi-mugi sedaya amal lan kesaenan Bapak Ibu Guru pikantuk pinwales saking Gusti Allah ingkang Maha Agung, saha tansah pinaringan kasarasan, kawilujengan lan ketentreman saengga saged nggulawentah dhateng adhik-adhik sedaya ngantos dumugi paripurna kanthi biji ingkang maremaken.

Mboten kesupen kula sakanca ugi nyuwun pangapunten, awit kula sakanca asring ndamel Bapak Ibu duka lan kuciwa, awit saking atur saha solah bawa kula sakanca ingkang mboten mranani penggalih panjenengan sedaya.

Dhumateng Bapak/Ibu Guru lan adhik-adhik sedaya, sepisan malih kula ndedonga mugi tansah pinaringan rahmat saha barokahing Gusti Allah, Amin..

Wasana cekap semanten atur kula, menawi kathah kalepatan atur saha solah bawa ingkang boten mranani penggalih, kula nyuwun pengampunten.

Wassalamualaikum Wr. Wb.

______________________________

Contoh Pidato Singkat bahasa Jawa perpisahan sekolah diatas tentu jauh dari sempurna, oleh karenanya silahkan bagi sahabat yang ingin mengindahkan dan menyempurnakan pidato bahasa jawa perpisahan sekolah diatas dengan gaya dan bahasa pidato sahabat.